Samir Piriyev Zərrin Özərlə duet oxuyacaq
“Yaxın vaxtlarda görüşüb, duet yazdıracağıq”
Türkiyənin TRT-1 kanalında yayımlanan “Sən Türkünü söylə” yarışmasında Azərbaycanı təmsil etmiş ifaçı Samir Piriyev Türkiyənin məşhur sənətçisi Zərrin Özərlə duet oxuyacaq. Bu barədə S.Piriyev Lent.az-a eksklüziv açıqlamasında bildirib: “Yarışmanı tərk etdikdən sonra çox sayda təkliflər almışam. Lakin onların əksəriyyətini qəbul etməmişəm. Çünki təkliflərin demək olar ki, hamısı Türkiyədə qalıb işləmək şərtilə irəli sürülüb. Mən Azərbaycandan kənarda qalıb işləyə bilmərəm. Lakin buna baxmayaraq, Türkiyə şou-biznesinə qatılmaq fikrindəyəm. Yaxın vaxtlarda Zərrin xanımla görüşüb, duet yazdıracağıq”.
S.Piriyev bu duetlərin həm Zərrin Özərin, həm də özünün albomunda yer alacağını da əlavə edib.
Lalə Yusifqızı
Lent.az
Mövzuyla bağlı digər yazılar
Müəllif barədə
mizrak yazıb 33 məqalə.